Vitlíki

Hjá VITA eru vit serfrøðingar í at brúka vitlíki til at umskapa og menna tína fyritøku. Vit bjóða sergjørdar loysnir, ið eru tillagaðar eftir júst tínum tørvi. Vit brúka m.a. nýggjastu tøknina hjá OpenAI og byggja eisini sergjørd vitlíkis-modell, ið ómakaleyst samantvinna tínar verandi skipanir og sjálvvirkandi mannagongdir.

 

Vitlíki verður eisini nevnt AI, sum kemur av enska heitinum 'Artificial Intelligence'. Hetta er ein tøkni, ið ger teldur og telduskipanir førar fyri at útinna uppgávur, sum vanliga krevja menniskjaligt vit og skil. Hugsa um vitlíki sum eitt slag av teldusniðgeving, ið lærir og betrar seg sjálvt við tíðini.

Eitt einfalt dømi kann vera ein snildfon, sum ger seg kenda við tína rødd og svarar tínum spurningum. Ella ein nethandil, sum viðmælir tær vørur grundað á tínar undanfarnu keypsvanar, t.e. algoritmiskt vitlíki.

Tilgjørda vitið brúkar dátu, upplýsingar og tøl til at menna sítt forstáilsi. Tað er sum eitt barn, ið lærir: Við at síggja og royna ymisk háttaløg fær barnið betri skil fyri, hvussu heimurin hongur saman. Á sama hátt lærir vitlíki frá givnum upplýsingum og brúkar hesa vitan til at taka avgerðir ella loysa trupulleikar.

Vitlíki verður nógv brúkt í gerandisdegnum: Frá sjálvlærdum thermostatum, sum tillaga hitan í húsinum, til sjálvkoyrandi bilar, sum tulka, greina og navigera í ferðsluni. Endamálið við vitlíki er at gera tól og skipanir, sum hjálpa okkum at loysa uppgávur skjótari og neyvari. Hetta er ein integreraður partur av arbeiðslagnum hjá VITA.